Endurvinnsla á rusli
Skilagjald
Hvaða umbúðir eru skilagjaldsskyldar?
Eftirtaldar umbúðir skilgreinast sem skilagjaldsskyldar umbúðir: Ál- og stáldósir fyrir gosdrykki og bjór 33cl. og 50cl.
Plastflöskur fyrir gosdrykki 50cl. - 2 lítra.
Dósir, plast- og glerflöskur fyrir orkudrykki.
Dósir, plast- og glerflöskur fyrir tilbúna ávaxtasafa.
Glerflöskur fyrir gosdrykki frá Vífilfelli (allar einnota núna).
Glerflöskur fyrir öl (bjór)
Glerflöskur fyrir áfengi, bæði léttvín og sterk vín.
Almenna reglan er að drykkjarumbúðir, fyrir utan þær umbúðir sem innihalda vín, þurfa að hafa innihaldið vatn með eða án kolsýru, eða vatnsblönduð efni til drykkjar, til að vera skilagjaldsskyldar. Um er að ræða tilbúna drykkjarvöru sem hægt er að drekka beint úr viðkomandi umbúð.

Skilagjald er 12 kr. fyrir hverja einingu

Á hverju er ekki skilagjald?
Ekki er skilagjald á umbúðum undir ávaxtaþykkni, (t.d. Egilsþykkni), mjólkurdrykkjum eins og KEILU, matarolíu, tómatsósu eða þvottalög. Þessum umbúðum má skila í gáma fyrir plastumbúðir á endurvinnslustöðvum.

 
Hvert á að skila til að fá endurgreitt?
Heimili geta skilað einnota drykkjarumbúðum á allar endurvinnslustöðvar SORPU. Athugið að aðeins er tekið við 1000 einingum hámark. 
Ekki er tekið við skilagjaldsskyldum umbúðum frá fyrirtækjum, stórsöfnurum, starfsmannafélögum og félagasamtökum. Fyrrnefndir aðilar og heimili sem eru með meira en 1.000 einingar skila til Endurvinnslunnar hf., Knarrarvogi 4.